योगेश राज असे या बजरंग दलाच्या नेत्याचे नाव असून तो बजरंग दलाच्या संयोजक पदावर कार्यरत आहे. पोलिसांनी ९० लोकांविरुद्ध गुन्हा दाखल केला असून २७ लोकांची नावे यात नमूद करण्यात आली आहे. तर ५० ते ६० अज्ञांत लोकांविरुद्ध गुन्हा नोंदवला आहे. हिंसाचारप्रकरणी पोलीस उपनिरीक्षक सुभाष चंद्र यांच्या तक्रारीवरून पोलिसांनी गुन्हा दाखल केला आहे. मुख्य आरोपी योगेश राजने जमावाला भडकावले. हिंसाचार करण्यासाठी चेतवल्याने जमावाने उद्रेक केला. पोलीस स्टेशनवर हल्ला केला. दगडफेक केली, गाड्यांची तोडफोड, जाळपोळ केल्याचे एफआयआरमध्ये म्हटले आहे.
योगेश राजने पोलीस स्टेशनमध्ये जावून गोहत्येच्या संशयावरून ७ लोकांविरुद्ध गुन्हा दाखल केला होता. त्यानंतर झालेल्या हिंसाचारात पोलीस अधिकारी सुबोध कुमार सिंह यांच्यासह दोघांचा मृत्यू झाला आहे. बुलंदशहरात तणाव असून या ठिकाणी जमावबंदी (कलम १४४) लागू करण्यात आली आहे.
No comments:
Post a Comment