गेल्या महिन्याभरात यवतमाळ जिल्ह्य़ात भूमाफियांनी केलेल्या भू तस्करीमध्ये अनेक सर्वसामान्य व्यक्तींना नाडवल्या गेले, फसवले गेले.मात्र पकडल्या गेलेल्या आरोपींमध्ये आतापर्यंत दलालीशी संबंधित माणसांचा सहभाग आढळला. आता मात्र आरोपींमध्ये राजकीय शक्तींचा स्वतः सहभाग आढळला आहे.याशिवाय हे लोन यवतमाळ शहरा वतिरिक्त पुसदमध्ये मोठ्या प्रमाणात पसरल्याचे सिद्ध झाले आहे . मिळालेल्या माहितीनुसार पुसद शहरात एका राजकीय पक्षाचा शहर अध्यक्ष असलेल्या व एका प्रतिथयश जनहीतकारी संस्थेचा प्रमुख असलेल्या एका व्यक्तीने स्वतःच्या आई व बहिणीला फसवून त्यांच्या खोट्या सह्या करुन त्यांच्या नावाचे खोटे संमतीपत्र सादर करून वडिलोपार्जित कोट्यवधीची संपत्ती हडप केल्याचे प्रकरण उघडकीस आले आहे. या प्रकरणा शिवाय सदर व्यक्तीने आपल्या संस्थेमध्ये स्वतःच्या पत्नीला कर्मचारी दाखवू न तिच्या नावे मोठमोठी कर्ज उचल केली आहे. शहराच्या नावावर असलेल्या एका अर्बन बँकेशी असलेल्या घरोब्यामुळे सदर कर्ज प्रकरणे यशस्वीरित्या हाताळले गेले असले तरी मात्र सदर कर्मचारी गेल्या तीन वर्षांपासून शहरात वास्तव्य न करता नागपूर येथे वास्तव्य करीत असल्याने सदर कर्मचारी हा अवैधपणे या संस्थेत कार्यरत असल्याचे सिद्ध होते .शिक्षण विभागाने या संबंधात चौकशी करून व विद्यार्थ्यांचे बयान घेतल्यास हा खोटेपणा उघड पडल्याशिवाय राहणार नाही .
संपादकीय
माझ्या नवयुवक विद्यार्थी मित्र मैत्रिणींनो सप्रेम नमस्कार या मंचावर आपल्याशी हितगुज करीत असताना मला खरोखरच अत्यंत आनंद होत आहे मीही तुमच्यासारखाच विद्यार्थी असताना नोकरी मिळविण्यासाठी खूप खस्ता खाल्ल्या. दहावीपर्यंत मराठी माध्यमांच्या शाळेत व त्यानंतर अकरावी बारावी विज्ञान घेत घेतल। मात्र खूप मेहनत करूनही प्रथम श्रेणी घेऊ शकलो नाही.अशाही स्थितीत अभियांत्रिकीच्या पदविकेला प्रवेश मिळाला मात्र सदर शिक्षणाचा पाया कच्चा असल्याने भोकं पट्टी शिवाय पर्याय नव्हता अशाही स्थितीत फायनलपर्यंत पोहोचला अखेरच्या सत्रात मात्र काही विषयात शकलो त्यानंतर मात्र कला शाखेकडे वळू व पदव्युत्तर शिक्षण प्रथम श्रेणीत उत्तीर्ण झालो .या सर्व प्रवासात नोकरीच्या संधी केवळ स्पर्धा परिक्षेच्या शिवाय अन्यत्र नसल्याचे प्रकर्षाने जाणवले.त्या काळात केवळ वर्तमान पत्राशिवाय या संधीची माहिती अन्यत्र दुसरीकडून मिळत नव्हती. आज मात्र तंत्रज्ञानाचा एवढा विस्तार झाला आहे की सर्व माहितीचा खजाना आपल्या हातात एका स्मार्टफोनवर उपलब्ध झाला आह. यास्तव विद्यार्थी मित्रांसाठी समाजऋणाची उतराई करण्याच्या उद्देशाने आम्ही या अॅप व वेबसाइटच्या माध्यमातून आपल्या सेवेत रुजू झालो मला आशा आहे आपण या प्रयत्नाला शुभेच्छा त्यासोबतच यात आणखी काय काय अपेक्षित आहे याबाबत आम्हाला सूचना कराल अशी विनंती करतो. संपादक
पंतप्रधान नरेंद्र मोदी यांनी शेतकऱ्यांची फसवणूक केली
नांदेड :
गेल्या लोकसभा निवडणूक प्रचारात सत्तेत आल्यास पहिल्या मंत्रिमंडळ बैठकीत शेतकऱ्यांच्या संपूर्ण कर्जमाफीचे आश्वासन पंतप्रधान नरेंद्र मोदी यांनी दिले होते. परंतु सरकार स्थापन होताच दिलेले आश्वासन विसरून सरसकट कर्जमाफी न करता तत्वतः व अंशतः कर्जमाफी मान्य करीत नियमांच्या जंजाळात अडकवून फसवणूक केली, असा आरोप खासदार राजू शेट्टी यांनी केला.
सोमवारी शहरातील वामनराव पावडे मंगल कार्यालय येथे आयोजित स्वाभिमानी शेतकरी संघटनेच्या ऊस परिषदेला खासदार शेट्टी मार्गदर्शन करताना बोलत होते. या वेळी कार्यक्रमाच्या अध्यक्षस्थानी माणिकराव राजगोरे, स्वागताध्यक्ष तथा संघटनेचे प्रदेशाध्यक्ष प्रा.डॉ. प्रकाश पोफळे, मराठवाडा अध्यक्ष सुबोध मोहिते, स्वाभिमानी शेतकरी पक्षाचे प्रदेशाध्यक्ष रविकांत तुपकर, जिल्हाध्यक्ष प्रल्हाद इंगोले, हनमंत राजगोरे, देवेंद्र भुयार व किशोर ढगे आदींसह मान्यवरांची उपस्थिती होती.
शेतकऱ्यांच्या संघटित शक्ती व चळवळीची गरज उसाचे पैसे एफआरपी प्रमाणे व एक रक्कमी खात्यावर मिळण्यासाठी शेतकऱ्यांच्या संघटित शक्ती व चळवळीची आवश्यकता असल्याचे खा. शेट्टी म्हणाले. शेतकऱ्यांचे पैसे ऊस नेल्यानंतर चौदा दिवसांच्या आत न मिळाल्यास कारखाना जप्ती करून लिलावाद्वारे आलेल्या रकमेतून पैसे अदा करण्याची कायद्यात तरतूद असल्याचा उल्लेख करीत खा. शेट्टी यांनी आवश्यकता पडल्यास रस्त्यावरच्या लढाईसह न्यायालयीन लढा लढणार, असा विश्वास त्यांनी शेतकऱ्यांना दिला.
राज्यातील पहिला संविधान व बुद्धिस्ट थीम पार्क नागपुरात
राज्यातील पहिला संविधान व बुद्धिस्ट थीम पार्क नागपुरात; १५ फूट उंचीचा अशोक स्तंभ
राज्यातील पहिला संविधान व बुद्धिस्ट थीम पार्क नागपुरात; १५ फूट उंचीचा अशोक स्तंभ
|
संविधानाच्या उद्देशिकेची नोंद असलेला शिलालेख उभारणारी पहिलीच महापालिका
|
नागपूर
|
संविधानाविषयी जनजागृती करतानाच नागपूर महानगरपालिकेतर्फे राज्यातील पहिल्या संविधान व बुद्धिस्ट थीम पार्कची उभारणी करण्यात येत आहे. १५ फूट उंचीचा अशोक स्तंभ, म्युरलमधून आंबेडकरांचे चरित्रदर्शन हे या पार्कचे वैशिष्ट्य राहाणार आहे.
नागपूर महानगरपालिकेचे जनसंपर्क अधिकारी अशोक कोल्हटकर यांनी सामाजिक जाणिवेतून संविधान पार्कची संकल्पना मांडली. विशेष म्हणजे, यापूर्वी या परिसरात १८ फूट उंचीचा आकर्षक संविधान शिलालेख उभारण्यात आला आहे. भारतीय संविधानाच्या उद्देशिकेची नोंद असलेला शिलालेख उभारणारी नागपूर महानगरपालिका देशातील पहिली महानगरपालिका आहे, हे विशेष. हा शिलालेख पाहायला दूरवरून लोक भेट देतात. यासोबतच संविधान व बुद्धिस्ट थीम पार्कचे काम वेगाने सुरू आहे. त्यानंतर शिलालेखाच्या सौंदर्यात अधिक भर पडणार आहे.५० लाखांची तरतूद : नागपूर महानगरपालिकेचे विद्यमान स्थायी समिती सभापती वीरेंद्र कुकरेजा व माजी स्थायी समिती सभापती संदीप जाधव यांनी प्रत्येकी २५ लाख रुपयांचा निधी या संविधान पार्कसाठी उपलब्ध करून दिला आहे. या वास्तूचे वास्तुशिल्पकार आर्किटेक्ट उदय गजभिये यांनी या संविधान व बुद्धिस्ट थीम पार्कचे आकर्षक डिझाइन तयार केले आहे. या संविधान पार्कच्या हिरवळीवर संविधान व राजमुद्रा असलेला १५ फूट उंच अशोक स्तंभ उभारण्यात येणार आहे. म्युरलमधून डॉ. बाबासाहेब आंबेडकरांचे चरित्रदर्शन या संविधान पार्कच्या मध्यमागी सुंदर आकर्षक लॉन असून सभोवती भगवान बुद्ध व संविधानाचे शिल्पकार डॉ. बाबासाहेब आंबेडकर यांचे जीवन चरित्र दर्शवणारे ७ म्युरल तसेच २२ प्रतिज्ञा व बाबासाहेबांचे मौलिक विचार तैलचित्राद्वारे दर्शवण्यात येणार आहे. याशिवाय एका बाजूला भव्य मंच उभारण्यात येत असून त्यावर आकर्षक थाई व जपानी वास्तुकलेचा भव्य पॅगोडा उभारण्यात येणार आहे. परिसरात ध्यानसाधनेसाठी सभागृह, ग्रीन जिमही तयार करण्यात येणार आहे. परिसरातील 'वॉटर फाउंटन टँक'मध्ये भगवान बुद्धांची मूर्ती स्थापन करण्यात येणार आहे. |
